Termins 2023
Las fieras da rauba a Glion vegnan organisadas entras la vischnaunca Ilanz/Glion. Ulteriuras informaziuns.
Naven dils 6 da matg 2023 entochen ils 14 d'october 2023 ha la fiera jamnila liug la sonda dallas 08.00 entochen las 12.00. Ils stans ein deponi alla finiziun vest dil plaz fiera a Glion.
Ils purs dallas vischnauncas vischinontas vendan legums, legums da bio, jarvas, caschiel, fretgs, ovs, mèl, sirup, ligiongias, paun, fluras, carn ed aunc bia auter.
Ulteriuras informaziuns: www.ilanzer-wochenmarkt.ch
La fiera d'advent vegn organisada dall'uniun da commerci e mistregn da Glion e contuorn. Duront il gi da fiera semida Glion en in mund tarlischont e glischont. Ina perfetga occasiun per far viva cun in migiel punsch ni vin cauld cun ils amitgs ed enconuschents. Forsa anfleis Vus era gia ils schenghetgs da Nadal sin in u l'auter dils numerus stans da vendita. Per pign e grond vegn purschiu enzatgei.
La proxima fiera d'advent ha liug sonda, ils 2 da december 2023 naven dallas 11.00 entochen las 19.00 el center ed el marcau vegl da Glion.
Ulteriuras informaziuns: www.hgv-ilanz.ch
La fiera da vinars ei la davosa fiera digl onn. lls ins manegian ch'ils politichers hagien partiu pli baul quei gi vinars culla populaziun, per ch'els vegnien aschia elegi danovamein. Auters ein dil meini, ch'ins hagi empleniu las reservas da vinars per igl unviern.
Quei ei denton buca relevant, oz ei il te da catschadurs, punsch e caffè cun vinars trumf. Plinavon ei la fiera da vinars in eveniment per sentupar cun amitgs, parents ed enconuschents e per far in viva cun els sigl onn vegnent.
La proxima fiera da vinars ha liug gievgia, ils 28 da december 2023 naven dallas 10.00 el center da Glion.
La fiera da vinars a Glion vegn organisada entras la vischnaunca Ilanz/Glion. Ulteriuras informaziuns.
