Lubientschas da carrar sin vias d'alp, da funs e d'uaul

Lubientschas da carrar 2024

La communicaziun publica dallas ordinaziuns da traffic vegn publicada aunc inagada. Per quei motiv seretardescha la retratga autonoma e digitala dallas lubientschas da carrar resp. la signalisaziun.

Ad interim san las lubientschas da carrar vegnir empustadas sur il formular online "empustaziun lubientschas da carrar" ni vegnir retratgas al spurtegl dalla controlla da habitonts. La confirmaziun dalla registraziun digitala vegn tarmessa cun il quen dallas taxas per posta ni per e-mail. In deposit da quella confirmaziun ei buca pli necessaris cunquei che la basa legala ei gia vegnida adattada.

Igl ei buca pli pusseivel da retrer las lubientschas da carrar els loghens d'emissiun d'entochen uss a Pitasch, Riein ed a Dutjen sco era ellas stizuns dil vitg a Ruschein e Siat, perquei ch'ei vegn desistiu dalla stampa dallas lubientschas da carrar.

La pusseivladad da retrer las lubientschas da carrar directamein en fuorma digitala vegn dada libra pér suenter che las tablas d'informaziun corrispundentas ein montadas cun il code QR. La vischnaunca vegn ad edir a temps in fegl d'informaziun cun las indicaziuns necessarias.
 

Empustaziun lubientschas da carrar


Contact

Administraziun communala Ilanz/Glion
Controlla da habitonts
Plazza Cumin 9
Caum postal 90
7130 Glion

telefon 081 920 15 36
einwohnerkontrolle@ilanz-glion.ch

Survetsch al telefon

Gliendisgis – Vendergis
08.00 – 11.30
13.30 – 16.30

Uras da spurtegl

Gliendisgis
08.30 – 11.00
14.00 – 18.00

Margis e mesjamna
08.30 – 11.00
14.00 – 16.30

Gievgia
08.30 – 11.00

Vendergis
08.30 – 11.00
14.00 – 16.00

Rathaus, 2. Stock