Lubientschas da carrar
Per carrar sin las vias marcadas cun mellen che han il suandont supplement al scamond da carrar cun vehichels a motor, motos e velos a motor: «Cun excepziun dil forestalesser, da viadis cun maschinas agricolas e cun lubientscha dalla vischnaunca» ston ins retrer ina lubientscha da carrar corrispundenta (mira plan).
Las lubientschas da carrar san vegnir retratgas a moda digitala, cun il formular online «empustaziun lubientschas da carrar» ni al spurtegl dalla controlla da habitonts. Las lubientschas digitalas per igl entir territori dad Ilanz/Glion san vegnir retratgas independentamein dil liug sur la pagina d'internet www.parkingpay.ch ni cun il smartphone (cargar giu l'app sur Google Play ni App Store) e la taxa persuenter sa vegnir pagada directamein. La confirmaziun ed il quen per las empustaziuns cun il formular online vegnan tarmessas per e-mail ni per posta.
Per carrar sin las vias marcadas cun violet che han il suandont supplement al scamond da carrar cun vehichels a motor, motos e velos a motor: «Lubiu cun lubientscha excepziunala» sto vegnir retratg ina lubientscha supplementara (mira plan). Las lubientschas excepziunalas vegnan dadas ora dalla controlla da habitonts ed ein da principi cuntenidas en la taxa per las lubientschas ordinarias.
Lescha
Lescha da carrar sin vias da funs
Ordinaziun
Ordinaziun da carrar sin vias da funs
