Uniun da commerci e mistregn Glion e contuorn (HGVI)

L'uniun da commerci e mistregn Glion e contuorn (HGVI) exista dapi igl onn 1984 ed ha rodund 155 commembers. L'uniun ha manteniu siu num malgrad che dudisch fracziuns dil contuorn han fusiunau per igl 1. da schaner 2014 cul marcau da Glion. Sias incumbensas e finamiras ein denter auter la promoziun dils interess professiunals da ses commembers, il sustegn d'in svilup economic sanadeivel dalla regiun e la promoziun dalla solidaritad denter las IPM.

Igl HGVI ha astgau cooperar ad occurrenzas che han per part aunc oz liug. Entgins puncts culminonts ein l'exposiziun ILHGA a Glion, la fiera d'advent, l'exposiziun «Primavera», la carta da schenghetgs (Ilanzer Geschenkkarte), la rolla d'inizianta dil svilup dil center e bia dapli.

Dapi igl onn 2020 secumpona la suprastonza da Franca Strasser e Katarina Stauffer (co-presidi), Maria Pia Candinas Chappatte (secretariat), Remo Caminada e Roman Derungs. Cun bia slontsch e plascher prendan el(la)s enta maun las incumbensas multifaras e selegran da commembers engaschai, bialas sentupadas e dalla solidaritad vivida duont quei temps pretensius.

Uniun da commerci e mistregn Glion e contuorn
Via S. Clau sut 7
7130 Glion

telefon 081 925 11 06
info@hgv-ilanz.ch
www.hgv-ilanz.ch