Tgira d'affons

Nies giavisch primar ein affons sauns e cuntents. Nus lein influenzar a moda positiva lur svilup mental, artistic, creativ e corporal.

Per quei motiv luvrein nus cun gruppas d'affons homogenas partenent la vegliadetgna e purschin pusseivladads d'emprender ludicas per tut ils affons dalla canorta. Il motto dalla lavur communabla ei «affons denter affons».

Dil pop tochen agl affon alla fin dil tschunavel onn da veta. Ils affons vegnan tgirai d'educaturas diplomadas ch'ein independentas quei che pertucca la confessiun.

Canortas d'affons ein per biars geniturs in'impurtonta tgira cumplementara alla famiglia e per nossa societad in'investiziun egl avegnir. Ils affons emprendan bia per lur cumpetenza sociala e fan in grond pass viers l'independenza.

Per tener quen dalla realitad vegn la purschida adattada allas cundiziuns regiunalas.

Perquei introducin nus tariffas dependentas dallas entradas e transformein l'instituziun purtadra en in'uniun. L'uniun ei vegnida fundada ils 14 d'avrel 2012. Ella vegn menada senza finamira da rendita ed ei independenta quei che pertucca la confessiun el senn digl artechel 60 ss. CCS. La sedia dall'uniun ei a Glion.