Glion

Avon varga 700 onns ei Glion vegniu menziunau per l'emprema gada sco liug cun dretg da marcau; sco emprem marcau sper il Rein e sco «liug circumdaus d'in mir, nua che biars carstgauns seradunan per viver». Esser igl «emprem marcau sper il Rein» ei ina gronda honur – il Rein ei numnadamein buc x in flum, mobein in dils pli liungs ell'Europa e da gronda impurtonza per la Svizra e sias tiaras vischinas. Mo era schiglioc ei Glion in liug impurtont per las vischnauncas e valladas circumdontas, il marcau ei il center cultural ed economic dalla Surselva. Cheu vivan ins en ina metropola pintga e plein veta amiez la cuntrada muntagnarda fantastica dalla Surselva. Glion posseda ina gronda purschida dil temps liber, da formaziun, da sport, d'aventura e da recreaziun e dall'infrastructura corrispundenta. A Glion anflan ins buca mo centers da cumpra, Glion ei era il punct central da traffic dalla Viafier retica e digl Auto Da Posta Grischun ed il center da sanadad, d'economia e da formaziun dalla Surselva.

 

Uoppen Glion tochen 31-12-2013