Bogn aviert Ilanz/Glion

En in bellezia contuorn agl ur digl uaul tier la plazza da sport sesanfla il sulet bogn aviert ella Surselva, il qual ei vegnius aviarts igl onn 1969.

1996/1997 ei igl entir stabiliment vegnius sanaus ed equipaus cun la pli moderna tecnica. L'aua vegn vivificada entras la tecnologia originala da Grander. Dasperas dispona il bogn aviert d'ina infrastructura generusa, als hosps stat ina vasta purschida da sport e recreaziun a disposiziun. Naven dall'ustria haveis Vus ina biala vesta sin gl'entir areal dil bogn. Ideal per dar ina paterlada cun amitgs e schar gustar in bien migiel vin ni Vossa bubronda preferida ed era per guder ina spisa delicata.

Il team dil bogn e la vischnaunca dad Ilanz/Glion engrazian per la confidonza demussada la stad 2020. Nus selegrein gia sin ina grondiusa stad 2021 – speronza era puspei cun Vus.

Uras d'avertura bogn aviert Ilanz/Glion 2021:
Las uras d'avertura per la sesiun da bogn 2021 vegnan publicadas la primavera 2021.

Contact

Bogn aviert Ilanz/Glion
telefon 081 925 25 14


Impressiuns