"Sco president dalla cumissiun d'energia hai jeu interess che nus mettein il focus sin in provediment d'energia pagabel cun ina consultaziun intensiva d'energias regenerablas. Quei cumpeglia in'efficienza energetica optimala el sectur dils edifecis e dalla mobilitad." Hanspeter Bundi, president, Castrisch
"Temperaturas da record, schitgira ni inundaziuns: Il scaldament dil clima ei buca da surveser. En quei connex gioga l'energia ina rolla centrala. Perquei s'engaschel jeu ella cumissiun d'energia per in'utilisaziun spargnusa ed effizienta dall'energia e per la promoziun d'energias regenerablas en accordanza cun la protecziun dalla natira e dalla cuntrada." Katharina Belser, Glion
"La midada energetica vegn realisada al liug, cun sligiaziuns localmein integradas ed economicamein purtablas. En la Cumissiun d'energia Glion s’engaschel jeu per projects che gidan nossa regiun. Miu fundament sco inschignier d'ambient dat a mi ina vasta vesta per sligiaziuns pusseivlas e mia savida da elavurar datas lubescha da calcular concrets scenaris." Tim Marco Reto Bürkli, Glion
"Sco commember dil parlament communal Ilanz/Glion e dalla cumissiun d'energia s'engaschel jeu per in provediment cumplessiv d'energia regenerabla. L'economia e la populaziun drova egl avegnir in provediment sufficient, segir e favoreivel - cun energia regenerabla en fuorma d'electrons e moleculs. Gas regenerabels, hidrogen e derivats da hidrogen giogan leutier sper l'electricitad ina rolla centrala. Els ston star a disposiziun leu nua ch'ina electrificaziun ei per motivs tecnics ni economics buca pusseivla." Remo Camenisch, Glion
"Sco menader dalla partiziun planisaziun e construcziun sun jeu secapescha bugen dalla partida ella cumissiun d'energia. Entras mia scolaziun sco architect SPF sun jeu denton gia dagitg colligiaus en general cun la construcziun ed oravontut cul tema energia ed ambient." Andreas Pfister, Glion; consultativ, senza dretg da votar
Survesta dils projects ed activitads dalla cumissiun d'energia