Agid social economic

Igl agid social economic vegn lu concedius, sche Vus haveis negin dretg sin autras prestaziuns ni sche quellas vegnan buc ad uras. Igl agid social economic garantescha in minimum d'existenza social che permetta la participaziun ad activitads socialas. El sebasa sin las leschas cantunalas sco era sin las directivas dalla conferenza svizra digl agid social (directivas dalla COSAS). El secumpona dil suandont:

  • Cuosts da habitar
  • Provediment medicinal da basa
  • Basegn fundamental per ils cuosts da viver
  • Agid individual (p. ex. cuosts per la tgira d'affons ni expensas en connex cun la professiun)

Survegnir agid social economic ei colligiau cun dretgs ed obligaziuns. Per exempel survegn'ins agid social, sch'ins ademplescha las premissas. Las obligaziuns cumpeglian per exempel l'obligaziun da cooperaziun: Per examinar il dretg sin agid social, stueis Vus dar informaziuns e presentar documents davart Vossa situaziun persunala e finanziala (p. ex. contract da locaziun, mussaments da banca). Sche Vus sesprueis da migliurar Vossa situaziun e da s'intergrar el mund da lavur, survegnis Vus sustegn finanzial supplementar. Vus saveis era vegni obbligai da praticar in'activitad da gudogn supportabla. Autruisa vegn igl agid social economic reducius. La vischnaunca Ilanz/Glion decida davart la summa da sustegn ed il cuoz digl agid social economic.


Contact

Administraziun communala Ilanz/Glion
Uffeci social
Plazza Cumin 9
Caum postal 90
7130 Glion

telefon 081 920 15 33
karin.schwandner@ilanz-glion.ch

Uras da spurtegl

Gliendisgis e Mesjamna
08.30 – 11.30

ni tenor cunvegna

Casa Cumin, 2. alzada