Elecziun substitutiva communala dils 29 da november 2026
Informaziuns e gliesta da candidaturas.
Suprastonza communala
Cun l'elecziun da Martin Capeder sco president communal ei in'elecziun substitutiva communala necessaria. L'elecziun dalla nova commembra ni dil niev commember da suprastonza succeda tenor art. 31 dalla constituziun communala tras la cuminonza da votantas e votants all'urna.
Quell'elecziun substitutiva ha liug dumengia, ils 29 da november 2026. Entrada en uffeci ei igl 1. da schaner 2027.
Sil cedel d'eleger san ins scriver sulettamein in num. Il num sto vegnir screts ora cumpletamein.
Gliesta da candidaturas
Las suandontas candidaturas ein vegnidas inoltradas (annunzias entochen ils 26 d'october 2026):
- Elvedi Flavio (1983), Glion, FDP Ils Liberals Surselva
- Frei Ivo (1970), Glion, FDP Ils Liberals Surselva
Igl ei era pusseivel d'eleger persunas ch'ein buca silla gliesta da candidaturas.
Votaziun per correspondenza
Sin igl attest da votar ei la procedura dalla votaziun per correspondenza declarada. La cuviarta ei da returnar per posta (drova negina francatura supplementara) ni da fierer ella scaffa da brevs dalla vischnaunca dad Ilanz/Glion en casa cumin a Glion e quei entochen dumengia, ils 29 da november 2026 allas 11.00. La scaffa da brevs dall'administraziun communala dad Ilanz/Glion vegn svidada la davosa gada dumengia, ils 29 da november 2026 dallas 11.00.
Nus fagein attents Vus ch’igl attest da votar sto esser suttascrets en cass d’ina votaziun per correspondenza. Schiglioc ei la votaziun nunvaleivla.
Persunas cun dretg da votar che possedan aunc buc il material da votar, san s’annunziar duront las uras da spurtegl tier la controlla da habitonts a Glion ni il pli tard la dumengia da votaziuns entochen las 11.00 en casa cumin a Glion per retscheiver ils cedels da votar. Tenor artechel 11 al. 1 dall’ordinaziun davart ils dretgs politics el cantun Grischun (ODP; DG 150.200) ston persunas cun dretg da votar far valer ch'ellas hagien buca survegniu ni ch'ellas hagien piars ils cedels da votar.
Gratuit per posta: La votaziun per correspondenza sin via postala ei gratuita per las votantas ed ils votants cun domicil en Svizra. Aschia basegna ei negina francatura sin la cuviarta da votaziun.
Temps d'avertura dallas urnas
Controlla da habitonts, casa cumin a Glion
Gievgia, ils 26 da november 2026, 08.30 – 11.00
Vendergis, ils 27 da november 2026, 08.30 – 11.00 e 14.00 - 16.00
Dumengia, ils 29 da november 2026
Glion
Casa Cumin (all'entrada): 09.15 – 09.45
Riein/Sevgein/Castrisch
Riein, avon resgia: 08.30 – 09.00
Sevgein, casa communala: 09.15 – 09.45
Castrisch, casa da scola: 10.00 – 10.30
Pitasch/Duvin/Luvin
Pitasch, casa da scola: 08.00 – 08.30
Duvin, casa da scola: 09.00 – 09.30
Luven, avon Pistrin: 10.00 – 10.30
Ladir/Ruschein/Schnaus
Ladir, avon il tschaler da schurmetg civil: 08.30 – 09.00
Ruschein, casa da scola: 09.15 – 09.45
Schnaus, casa communala: 10.00 – 10.30
Pigniu/Siat/Rueun
Pigniu, casa communala: 08.15 – 08.45
Siat, casa Sentupada: 09.15 – 09.45
Rueun, casa communala: 10.00 – 10.30
