- approbau in credit posteriur per la planisaziun dallas localitads da scola;
- deliberau il rapport e la proposta pertuccont liquidaziun dall'incumbensa Maissen per mauns dil parlament communal;
- decidiu d'installar il sistem per promover la prevenziun sil sectur dalla segirtad da lavur e protecziun dalla sanadad e surdau il mandat corrispundent per quellas lavurs all'Uniun Svizra per la segirtad da lavur;
- approbau il concept per introducir las medias socialas per la communicaziun dalla vischnaunca Ilanz/Glion;
- approbau in credit per scaffir in manual pertuccont il corporate design dalla vischnaunca Ilanz/Glion;
- decidiu las cundiziuns da diever per la fossa steila Ilanz/Glion sil santeri s. Martin a Glion;
- deliberau il quen annual 2023 per mauns dalla revisiun;
- priu enconuschientscha dallas propostas dalla direcziun per migliurar la situaziun finanziala dalla vischnaunca;
- decidiu da continuar la planisaziun da quartier Spaniu a Glion tenor lescha da baghegiar vertenta;
- decidiu da promover la cultura da baghegiar locala en rama dalla formaziun e digl equipament digl areal dalla staziun a Glion e decidiu in credit per quei intent;
- dau suatientscha al project da baghegiar dalla Mehli Agro Service AG da Cuera per la construcziun d'ina ovra per la carburaziun da lenna a Glion ed al project per in sondagi scientific a Castrisch digl institut per geologia dall'universitad da Berna;
- approbau in dretg da baghegiar per la Repower AG per la construcziun d'ina staziun da transformaziun cun las installaziuns necessarias sin la parcella da vischnaunca 10047 a Rueun vest;
- approbau l'elaboraziun d'ina lescha cun uorden da taxas pil diever d'aua sutterrana e d'auas publicas;
- approbau ils quens finals per la sanaziun dalla Via Porta Sura a Glion sco era per la construcziun da fermadas pigl auto da posta tenor ils basegns da persunas cun impediments ella Via Porta Sura ed ella Via S. Clau Sut (entrada spital) a Glion;
- approbau la clav da repartiziun dils cuosts ella procedura da perimeter per las lavurs da sanaziun dalla Via Porta Sura a Glion.
Nus supplichein da prender per enconuschientscha.
Glion, 05-04-2024
