Concert ella baselgia dalla Claustra Glion

Ils concerts da primavaira da quest onn da l’Orchester Chur stattan sut il titel Melancholia. Il cor englais, cun siu timbre cauld, stat sco vusch melanconica el center. Il cumponist svizzer René Gerber (1908–2006) ha creau cun siu Concerto pour Cor Anglais et Orchestre (1976) in rar giuvel: sias melodias uneschan eleganza franzosa cun ina forma clara e cun calur melodica.

Encadrau vegn il concert cun l’Ouvertura tier «Der arme Heinrich» op. 37 da Joseph Gabriel Rheinberger (1839–1901) e cun «L’Arlésienne» da Georges Bizet (1838–1875). «Der arme Heinrich» raquenta da culpa, malsogna ed indulgenza – buc cun patos, mobein cun quella tristezia sutterrana che tuna schizun ella legria la pli clara.

Alla fin dil concert portan extracts ord las suitas nr. 1 e 2 da Bizet glisch dil sid ed ina levia melanconia el salun da concert. La musica tier il toc dramatic «L’Arlésienne» dad Alphonse Daudet tschaffa il spért dalla Provence: sulegl, puorla, vent – e la tragedia d’ina carezia buca ademplida.

Il concert sut la direcziun da Hugo Bollschweiler ha liug sonda, ils 14 da mars 2026 dallas 19.30 ella baselgia dalla Claustra da Glion. 

Ulteriuras informaziuns anfleis Vus cheu.