La vischnaunca Ilanz/Glion porta dapi il 2011 il label marcau d'energia. Sco tala s'engascha ella per ina politica d'energia intenziunada e consequenta. La cumissiun d'energia ha denter auter l'incumbensa da promover tier la populaziun in cumportament che risguarda igl ambient e l'energia. Per quei intent publichescha la cumissiun d'energia regularmein tips d'energia el fegl ufficial. Els duein mussar, co mintgin sa reducir resp. concepir en moda pli persistenta siu consum d'energia – en igl interess digl ambient e dalla protecziun dil clima, mo era dall'atgna buorsa e dalla sanadad. Sin quella via furnin nus mintgamai enconuschientschas da basa ed informaziuns supplementaras tier ils singuls tips.