Revisiun parziala dalla planisaziun

Realisaziun dil maletg empalont dil spazi communal MTC e la dimensiun dallas zonas da baghegiar

Secunda procedura da participaziun naven dils 30-03 entochen 29-04-2026

Cun la secunda etappa uss actuala duei la revisiun totala vegnir menada alla fin. Ils cuntegns centrals ein l'adattaziun dalla dimensiun dallas zonas da baghegiar tenor las prescripziuns dil dretg surordinau e dalla planisaziun sco era l'implementaziun dil maletg empalont dil territori communal (MTC). Plinavon ston las pendenzas dall' emprema etappa dalla revisiun totala vegnir liquidadas tenor disposiziun dalla Regenza.

Sin fundament d'ina prognosa positiva dil svilup dalla populaziun ei la dimensiun dallas zonas da baghegiar vegnida eruida da niev. Il squetsch da stuer exzonar terren da baghegiar ei sereducius considerablamein. La vischnaunca sto mo pli zonar ora singulas parcellas el terren da baghegiar. Il project dalla revisiun parziala dalla planisaziun locala ha ord quei motiv stuiu vegnir surluvraus aunc inaga ed ei drova ina secunda exposiziun per la procedura da participaziun.

Actas d'exposiziun:
- Tut ils documents dalla revisiun parziala dalla planisaziun locala
- Plans enzonaziuns, exonaziuns e midadas da zonas
- Plans plazs da baghegiar
- Survesta taxa sin plivalur e mobilisaziun dil terren da baghegiar 1:2'000 Castrisch
- Survesta taxa sin plivalur e mobilisaziun dil terren da baghegiar 1:2'000 Ilanz
- Midadas dalla lescha da baghegiar
- Rapport da planisaziun e participaziun
- Plan da master areal Fistez
- Structuras da spazi da viver per amfibis e reptils sin territori communal dad Ilanz/Glion ella vischinonza da habitadis (rapport tier la cartaziun)
- Definiziun dil spazi d'auas dalla vischnaunca Ilanz/Glion (rapport accumpignont dalla actualisaziun digl october 2022)
- Survesta capacitad dallas zonas da baghegiar en vigur legala, stan uost 2024
- Survesta capacitad dallas zonas da baghegiar dalla revisiun, stan uost 2024
- Evaluaziun dil rapport d'examinaziun preliminara dil cantun

Lescha da baghegiar
Rapport da planisaziun e participaziun ed aschuntas
 

Temps d'exposiziun:
30 gis (naven dils 30 da mars 2026 entochen ils 29 d'avrel 2026)

Liug/temps d'exposiziun:
Casa Cumin Glion, duront il temps d'avertura

Ura da discuors:
Tenor cunvegna da termin

Occurrenza d'informaziun:
31 da mars 2026, allas 20.00, aula casa da scola Glion

Inoltraziuns/posiziuns:
Duront il temps dall'exposiziun da participaziun publica sa mintgin inoltrar propostas ed objecziuns a la suprastonza communala davart quella revisiun parziala dalla planisaziun locala.