Finissascha exposiziun LENN

FINISSASCHA 
Ella zezzaneera sentaupan fotografias da Straube cun stgabellas da lenn contemporanas e bein elavuradas dils designers industrials Sebastian Marbacher e Fabio Rutishauser, dalla pintga manufactura raïna dalla Val Müstair, dil mistergner da lenn Thomas Florin, dalla scrinaria Spescha da Rueun, digl atelier Lomann da Regensdorf e dalla manufactura da sutgas e meisas Horgenglarus. 

A caschun dalla finissascha dils 14 da mars 2026 ei igl entagliader Erwin Derungs da Vella hosp en la zezzaneera. Surprendentamein pon ins contemplar e suandar, co ch’el entaglia ord in sempel toc lenn ina nuorsa, in asen ni schizun in capricorn. Ils animals entagliai san, sco era tut ils auters artechels dil kiosc da lenn da zezzaneera, vegnir cumprai el liug.

Finissascha: sonda, ils 14 da mars 2026 en la zezzaneera ella Städtlistrasse 3 a Glion
Aviert regular naven dallas 11.00 entochen las 16.00
Show d'entagliar cun igl entagliader Erwin Derungs naven dallas 13.00 entochen las 15.00