Jamna da cant / da chor "AMOUR - AMORE - LOVE - LIEBE"

L'uniun Voces Illiande organisescha mintg'onn in'jamna da cant en claustra a Glion. La direcziun musicala schai els mauns da Willi Derungs, oriunds da Vignogn en Val Lumnezia.

L'jamna da cant / da chor cuoza naven da gliendisgis, ils 6 d'october entochen sonda, ils 11 d'october 2025.

L'jamna da cant 2025 stat sut il motto "AMOUR - AMORE - LOVE - LIEBE". Studiau en vegnan chansons, madrigals e canzuns en franzos, talian, engles e tudestg dil temps dalla "Renaissance" che han sco cuntegn il tema "amur" en differntas fuormas. Elavurau vegnan tocs da cumponists sco John Dowland, Thomas Morley, Melchior Franck, Chales Tessier, Orlando di Lasso, Clément Janequin, Joosquin des Prez. Il tema vegn era vius dalla perspectiva feminina dallas duas cumponistas Maddalena Casulana e Vittoria Aleotti. 
Alla fin da quella jamna vegn sche pusseivel dau in pign concert. 

Ei exista duront l'jamna era la pusseivladad da scolar l'atgna vusch indivudual cun lecziuns da cant.

Medemamein eis ei ina tradiziun da quella jamna da cant da cantar 1-2 canzuns romontaschs per aschia era emprender d'enconuscher il lungatg e la cultura romontscha per participont(a)s dalla bassa.
Envidai da separticipar ein tuttas e tuts che han plascher dil cant e dil repertori dil 15 e 16avel tschentaner e da cantar en plirs lungatgs.
Per preparaziun vegn mess a disposiziun era dateias d'audio per emprender l'atgna vusch.

Ulteriuras informaziuns pertuconct l'jamna anfleis Vus sin la pagina d'internet da Voces Illande.

Fegl sgulont