Meisa Rodunda a Glion
Mesjamna, ils 18 da zercladur 2025, Ustria «Hotel Rätia», Glion
La «Meisa Rodunda a…» ei in'iniziativa dallas parlamentarias e dils parlamentaris dalla vischnaunca Ilanz/Glion. Ella duei esser ina plattafuorma da sebrattar denter la populaziun ed ils politichers e las politicras dalla vischnaunca. Nua existan dubis? Tgei problems duein vegnir discutai communablamein? Tgi ha in'idea innovativa pil svilup da nossa vischnaunca che duei exnum vegnir persequitada? Nus essan promts per la discussiun cun Vus.
La «Meisa Rodunda a…» vegn organisada pliras gadas ad onn ellas differentas fracziuns da nossa vischnaunca.
La proxima Meisa Rodunda ha liug mesjamna, ils 18 da zercladur 2025, allas 19.00 el «Hotel Rätia» a Glion.
Nus selegrein sin bunas e fritgeivlas discussiuns e sperein sin ina buna participaziun.
Fegl sgulont
Vossas parlamentarias e vos parlamentaris dalla vischnaunca Ilanz/Glion
