Ustria Pop-Up «TIEL FURTEM FORTUNAU» cun Gaby Schaub (scolasta primara, Turitg)

Ustria Pop-Up 
«TIEL FURTEM FORTUNAU» 
Furtems e flair da brocki

Vendergis, ils 21 da november 2025 naven dallas 18.00 ella zezzaneera a Glion – cun Gaby Schaub (scolasta primara, Turitg).

L'ustria "Tiel furtem fortunau" ei aviarta duront diesch seras (gievgia, vendergis, sonda) il november, mintgamai dallas 18.00 - 22.00. Differents cuschiniers hospitonts cuschinan pils hosps cun ina prespisa, ina tratga da furtem principala ed in delizius dessert.

Grazia alla cooperaziun culla brocki Feschtland a Glion vegn era procurau per in’atmosfera patgifica: La brocki furnescha sutgas, meisas, maletgs, cazzolas, vischalla, pusada e da tutta sorts rauba ed il meglier: Tut ils objects pon ins cumprar e prender a casa aunc la medema sera!

Tscheina ell'ustria “Tiel furtem fortunau”
Il diember da plazzas ei limitaus sin ca. 20 persunas. 
Il menu cun prespisa, furtem e dessert cuosta 33 francs (senza bubrondas). Igl apero vegn survius naven dallas 18.00, la prespisa allas 19.00.
Nus supplichein da s’annunziar tier info@zezzaneera.ch ni 079 587 03 54.

Ulteriuras informaziuns anfleis Vus cheu.