Accents strategics
La vischnaunca Ilanz/Glion scaffescha las cundiziuns da basa, che promovan il contact ed il brat enteifer la populaziun e rinforzan la convivenza. Nossa vasta purschida per il temps liber e nossa cultura colligionta fan esser Ilanz/Glion in liug da setener si e da viver. Nus essan il center biling dalla Surselva.
Accents strategics
Ambient: La vischnaunca Ilanz/Glion segirescha ina zona da recreaziun attractiva ed intacta. Ella applichescha ina politica d'energia persistenta, oravontut tier l'atgna infrastructura communala.
Planisaziun dil territori: La planisaziun locala segirescha ina carschen moderata e qualitativa. Entras la concentraziun da spazi vala ei da tener il diever da terren aschi pigns sco pusseivel, da tgirar il maletg dalla cuntrada e da mantener in spazi da viver natural. Nus s'engaschein per ina purschida da habitar conforma als basegns.
Accents strategics
Uorden public e segirtad: Nossa populaziun e hosps sesentan segirs en nossa vischnaunca. Nus segirein en cass d'urgenza agid professiunal e speditiv per ils pertuccai.
Traffic: Ensemen cun nos partenaris procurein nus per l'avertura adequata dil traffic, che possibilitescha ina buna colligiaziun cun ils centers (Cuera, Turitg). Nus promovin ina mobilitad ecologica, numnadamein il traffic public ed il traffic plaun. L'infrastructura da traffic communala vegn renovada regularmein.
Accents strategics
Sanadad: La vischnaunca Ilanz/Glion ei part dalla regiun da sanadad Surselva. Nus mettein peisa sin ina buna purschida fundamentala da sanadad per nossa populaziun. Nus nezegein il potenzial da mesiras preventivas e dein gronda peisa agl accumpignament e la tgira da persunas vulnerablas.
Fatgs socials: Ella vischnaunca Ilanz/Glion vegn la cuminonza denter persunas da differentas generaziuns, culturas e situaziuns da veta vivida. La vischnaunca promova l'integraziun professiunala e sociala.
Accents strategics
La vischnaunca Ilanz/Glion persequitescha ina politica da finanzas prudenta ed orientada al futur. La finamira ei da haver finanzas sanadeivlas. Nossa finamira ei da haver ina sanadeivla atgna finanziaziun e da praticar ina politica fiscala calculabla. Sco vischnaunca dil center cun aultas grevezias da center s'engaschein nus per ina gesta ulivaziun da finanzas.