Legalisaziun ufficiala

Il canzlist communal ei responsabels per las legalisaziun e sa far quellas tenor lescha davart il notariat (LNot, DG 210.300) dil cantun Grischun. Per ina legalisaziun ufficiala duvreis Vus in termin. Nus supplichein da telefonar ordavon per fixar in termin. Las taxas sedrezzan all'ordinaziun davart las taxas da notariat (OTNot, DG 210.370) dil cantun Grischun.

Suttascripziun, segn a maun (LNot art. 27)
Cun la legalisaziun attesta la persuna da notariat ch'ina suttascripziun ni ch'il segn a maun dalla persuna pertuccada seigi succedius ni vegnius renconuschius en sia preschientscha ni che l'autenticitad da quel seigi claramein avon maun per ella en autra moda.

La persuna, dalla quala la suttascripziun (ni il segn a maun) duei vegnir legalisada, sto vegnir persunalmein al spurtegl e s'identificar cun in dils suandonts documents valeivels:

  • pass
  • carta d'identitad
  • lubientscha da jasters

Copia, duplicat, extract (LNot art. 28)
Cun la legalisaziun attesta la persuna da notariat che la copia, il duplicat ni ina certa part dil text reproduceschi cumplettamein e correctamein il cuntegn d'in document presentau ad ella.

Per la cumpilaziun d'ina copia legalisada sto il document original vegnir presentaus.

 


Apostilla / legalisaziun

Documents ch'ein vegni suttascrets d'autoritads e d'uffecis grischuns sco da dertgiras, d'autoritads communalas, d’uffecis da stadi civil, d'uffecis dil register da commerci, da notaras e da notars san vegnir autentificadas tier la canzlia cantunala dil Grischun. El traffic dil dretg internaziunal numn'ins quell'autentificaziun era legalisaziun. La canzlia cantunala confirmescha cun l'autentificaziun sulettamain l'autenticitad dalla suttascripziun denton buca la correctadad dil cuntegn dil document.

Ulteriuras informaziuns


Contact

Administraziun communala Ilanz/Glion
Michael Spescha, menader canzlia
Plazza Cumin 9
Caum postal 90
7130 Glion

telefon 081 920 15 81
michael.spescha@ilanz-glion.ch

Survetsch al telefon

Gliendisgis – Gievgia
08.00 – 12.00
13.30 – 17.00

Vendergis
08.00 – 12.00
13.30 – 16.30

Uras da spurtegl

Gliendisgis – Gievgia
08.30 – 11.30
13.30 – 17.00

Vendergis
08.30 – 11.30
13.30 – 16.30

ni tenor cunvegnientscha

Casa Cumin, 4. alzada