Votaziun all'urna dils 29 da november 2026 davart la revisiun parziala dalla planisaziun locala dalla vischnaunca Ilanz/Glion (fasa VI)

Preziadas votantas, preziai votants dalla vischnaunca Ilanz/Glion

Cun la presenta revisiun parziala vegn la revisiun totala dalla planisaziun locala dalla vischnaunca Ilanz/Glion terminada. La revisiun cumpeglia l'adattaziun dalla planisaziun d'utilisaziun e dalla lescha da baghegiar allas prescripziuns dalla confederaziun e dil cantun sco era als svilups spazials actuals enteifer la vischnaunca. Il medem mument vegnan risguardadas las enconuschientschas ord l'applicaziun dalla nova planisaziun locala d'entochen ussa, las novas cundiziuns generalas giuridicas sco era ils resultats dalla procedura da cooperaziun.

El center dil project stattan l'examinaziun e l'optimaziun dalla dimensiun dalla zona da baghegiar, la realisaziun dil maletg empalont dil territori communal (MTC) sco era differentas adattaziuns dall'enzonaziun. Plinavon vegnan denter auter las zonas da prighel, zonas dil spazi d'auas, zonas per la protecziun dalla natira e dalla cuntrada sco era ulteriuras basas da planisaziun actualisadas. La lescha da baghegiar vegn surluvrada punctualmein ed adattada alla legislaziun vertenta sco era alla giurisdicziun vertenta.

Cun la presenta revisiun obtegn la vischnaunca ina planisaziun locala consolidada e che sebasa sillas pretensiuns hodiernas. Ella creescha las premissas per in svilup dil spazi ordinau, garantescha la concordanza cul dretg surordinau e fuorma ina basa fidada per planisaziuns e projects da construcziun futurs.

Il parlament communal propona alla cuminonza da votantas e votants all'urna d'approbar la revisiun parziala dalla planisaziun locala dalla vischnaunca Ilanz/Glion (fasa VI).

Tuts documents e plans ein accesibels cheu suandontamein.

Dils documents sa era vegnir priu investa en casa cumin a Glion (3. alzada, spurtegl partiziun planisaziun e construcziun).