Revisiun parziala dalla planisaziun fasa VI

Ils 9 da fevrer 2020 ei l'emprema etappa dalla revisiun totala dalla planisaziun locala vegnida decidida alla votaziun all'urna. L'approbaziun ei succedida cun conclus dalla regenza dils 12 d'october 2021 (protocol nr. 874/2021). La vischnaunca Ilanz/Glion dispona cheutras dapi ils 12 d'october 2021 d'ina planisaziun locala reunida e harmonisada per l'emprema gada sur tut las anteriuras vischnauncas.

Cun la presenta secunda etappa duei la revisiun totala vegnir menada alla fin. Cuntegns centrals fuorman la dimensiun dallas zonas da baghegiar tenor las prescripziuns dil dretg surordinau e dalla planisaziun surordinada sco era la realisaziun dils cuntegns dil maletg empalont dil territori communal (MTC). Plinavon ein las pendenzas tenor il conclus dalla regenza tier l'emprema etappa dalla revisiun totala da tractar.

Ils documents da votaziun tiel project anfleis Vus cheu.