1. Turnier da petanque

Sigl areal sper in anteriur deposit dil Museum Regiunal Surselva, gest sper la plazza da giugs Paradieswäldli a Glion ein in iral da boccia ed ina crusch da ballontschar vegni construi.

Boccia – era enconuschent sco Petanque – ei in giug popular da trer cuclas cun ina derivonza mediterrana. La finamira ei da fierer las atgnas cuclas aschi datier d'ina cucla pintga sco pusseivel. Quei basegna inschign, precisiun ed in maun ruasseivel. Il giug ei sempels d'emprender, fa plascher ed ei adattaus per giuven e vegl – pia ideal per sentupadas spontanas e concurrenzas amicablas.

Margis sera, ils 26 da matg 2026 allas 19.00 - 20.30 ha igl emprem turnier da petanque liug ad Ilanz/Glion. Emporta buca sche ti has empau experientscha ni buc, neu e dai cun nus! Ils emprems treis survegnan in pign premi. Per snacks e bubrondas senz’alcohol vegn procurau. Ti astgas era bugen prender cun tei atgnas spisas e bubrondas.

Nus essan leds, sche ti s'annunzias cul formular sutvart. Ins astga denton bugen era vegnir sperasvi spontanamein.
Il turnier ha liug mo da bialaura. Sch'ei duess plover stuein nus tut tenor stuschar l’occurrenza.

Formular d'annunzia ed ulteriuras informaziuns

Nus selegrein sin biar:as participont:as!
Tara Meier ed Uolf Candrian