Gi dall'electromobilitad a Glion
Sonda, ils 13 da zercladur 2026, Parcadi Coop Grüneck, Glion
Ilanz/Glion envida al «Gi dall'electromobilitad»
Elektromobilitad ei dapli che mo in'alternativa – ella ei la clav per la midada energetica e la finamira «Netto nulla» entochen 2050. Naven d'autos da persunas sur camiuns tochen maschinas agricolas conquistan vehichels senza emissiuns pli e pli tut ils secturs da traffic. Ils 13 da zercladur 2026 organisescha la cumissiun d'energia Ilanz/Glion in «Gi dall'electromobilitad» che dat la caschun d'emprender d'enconuscher e-mobilitad e d'experimentar directamein ses avantatgs.
Diversitad enstagl d'unilateralitad Sil parcadi sper il Coop Grüneck a Glion vegn presentau in'impressiunonta varietad da sligiaziuns da mobilitad senza fossils. Visitadras e visitaders san buca mo veser live autos e motors, mobein era velo da vitgira, bus, transporter, quad e maschina agricola sco era tuk-tuk. La finamira ei da mussar con adattadas pil mintgadi e con variontas che las novas tecnologias ein.
Separticipar, empruar, tschentar damondas Interessents san far viadis d'emprova e testar directamein ils vehichels. Plinavon ein persunas dil fatg sil plaz promtas da rispunder a damondas, explicar detagls tecnics e discutar pusseivladads da midar sin e-mobilitad. Seigi quei per il viadi da lavur quotidian, il temps liber ni il diever industrial – per quasi mintga basegns da mobilitad dat ei ina sligiaziun electrica adattada!
Indicaziuns impurtontas:
• Cu: Sonda, ils 13 da zercladur 2026, dallas 09:00 entochen las 15:00
• Nua: Parcadi Coop Grüneck, Glion
• Organisaziun: Cumissiun d'energia Ilanz/Glion
Partenaris expositurs: AutoDaPosta, Mercedes-Benz vehichels utilitars, Garascha Allenspach, Aldo Beeli SA, Auto Derungs SA, Novaziun Monotrac, E-Tuk-Tuk, Mooinz Bikesharing sco era Solpic Energia dil futur.
La cumissiun d'energia Ilanz/Glion envida cordialmein l'entira populaziun, interpresas localas e representants dallas medias d'experimentar da maneivel la mobilitad dil futur. L'entrada ei libra. Per da magliar e da beiber el liug procura l'ustria Shaka/hotel Rätia.
