Meisa Rodunda a Ladir
Mesjamna, ils 13 da matg 2026, Ustria «La Terrassa», Ladir
«La Meisa Rodunda a…» ei in'iniziativa dallas parlamentarias e dils parlamentaris dalla vischnaunca Ilanz/Glion. Ella duei esser ina plattafuorma da sebrattar denter la populaziun ed ils politichers e las politicras dalla vischnaunca.
Nua existan dubis? Tgei problems duein vegnir discutai communablamein? Tgi ha in'idea innovativa pil svilup da nossa vischnaunca che duei exnum vegnir persequitada? Nus essan promts per la discussiun cun Vus.
«La Meisa Rodunda a…» vegn organisada pliras gadas ad onn ellas differentas fracziuns dalla vischnaunca Ilanz/Glion. La proxima Meisa Rodunda ha liug mesjamna, ils 13 da matg 2026, allas 19.00 en l'Ustria «La Terrassa» a Ladir.
Las parlamentarias ed ils parlamentaris dalla vischnaunca Ilanz/Glion selegran sin bunas e fritgeivlas discussiuns e speran sin ina buna participaziun.
