Viadis da René – entuorn il mund en 80 minutas – mo buca cun mei

Dapi decennis viagia l’actur e reschissur René Schnoz cun sia camera entuorn il mund. El ha in’amur speciala da fotografar surengiu, seigi quei da cuolms, da tuors, aviuns ni dapi entgins onns cun la drona. El s’interessescha era fetg per culturas jastras e fa fotografias da cuntradas, il pli bugen baul la damaun ni tard la sera. Ussa muossa el sias meglieras fotografias en ina presentaziun da maletgs da 80 minutas e raquenta historias captivontas, legras ed absurdas ord tuttas parts dil mund.

El vegn accumpignaus da siu frar e ghitarist Andi Schnoz. Pertuccont il viagiar ei Andi gest il cuntrari da René: sco veritabel muffer da viagiar passenta el siu temps liber dapi decennis al Lag da Neuchâtel. Ord quei cuntrast datti segir entgins interessants dialogs denter ils dus frars.

Ulteriuras informaziuns cheu.