Fatgs da fiera

Informaziuns generalas

Installaziun dils stans

Ils stans da fiera ston vegnir installai aschia ch'ils access a gassas ni a vias lateralas ed ad eschs-casa ed eschs-stizun ein libers. Las instrucziuns dil schef da fiera e las signalisaziuns sil plantschiu ein da risguardar.


Cuoz dalla fiera

Il plaz dil stan sa vegnir occupaus il gi da fiera naven dallas 07.30 e sto vegnir rumiaus mintgamai tochen las 17.30. Ils stans da fiera dalla vischnaunca vegnan endrizzai e rumi dils organs determinai dallas autoritads communalas. Ina blacha ei aschuntada, ha denton da vegnir tschentada individualmein.


Taxas

Las taxas duein cuvierer ils cuosts dalla realisaziun dalla fiera, d'ina reclama adequata e digl allontanament dil rumien. Per ils plazs dils stans dallas fieras da rauba ufficialas ein da pagar las suandontas taxas:

  • per in agen stan da vendita, CHF 7.00/meter current
  • per in stan dalla vischnaunca (3.50 m), CHF 50.00/toc
  • expositurs maschinas agricolas e vehichels semeglionts, CHF 2.50/m²
  • taxa da rumien per mintga participont da fiera, CHF 3.00
  • taxa reclama per mintga participont da fiera, CHF 5.00
  • taxa current electric per mintga participont da fiera che consumescha, CHF 7.00

Sch'ei vegn duvrau ultra dil stan terren supplementar, vegn quel quintaus tier la lunghezia dil stan. Ei vegn adina arrundau a meters entirs. Las taxas vegnan incassadas mintgamai il gi da fiera directamein dil schef da fiera.


Lubientscha/annunzia

Tgi che vul separticipar alla fiera drova ina lubientscha en scret. La damonda cun il formular d'annunzia dalla vischnaunca dad Ilanz/Glion sto vegnir inoltrada silmeins 20 gis avon il gi da fiera. Annunzias a bucca vegnan buc acceptadas. Ils plazs dils stans vegnan attribui dils organs determinai dallas autoritads communalas. Il gi da fiera ei il plaz dil stan da retrer naven dallas 07.30 e da rumir il medem gi entochen las 17.30.

En cass d'impediment ha il participont dalla fiera d'informar l'administraziun communala sil pli tard dus gis da lavur avon il gi da fiera, e quei entochen las 09.00. Sche quei ei buc il cass, vegn mess a quen ina contribuziun allas spesas da CHF 100.00.

Contact

Tizian Schär
telefon 081 920 15 82
e-mail​​​​​

Uras da spurtegl

Gliendisgis – Mesjamna
08.30 – 11.00
14.00 – 16.30

Gievgia
08.30 – 11.00

Vendergis
08.30 – 11.00
14.00 – 16.00

ni tenor cunvegna

Casa Cumin, 4. alzada