Elecziun cumplementara per il parlament communal dils 14 da zercladur 2026

Cunquei ch'il commember dil parlament communal Christian Caduff da Glion ha demissiunau, ei in'elecziun cumplementara necessaria. L'elecziun dil niev commember ni dalla nova commembra dil parlament communal succeda tenor art. 31 al. 1 lit. a dalla constituziun communala entras la cuminonza dallas votantas e dils votants all'urna. Quell'elecziun cumplementara ha liug dumengia, ils 14 da zercladur 2026. Entrada en uffeci ei igl 1. da fenadur 2026. Ei dat negin termin d'annunzia per candidaturas, quellas ein pusseivlas entochen il davos gi. L'administraziun communala publichescha candidaturas che vegnan annunziadas ad ella (per posta ni ad info@ilanz-glion.ch) entochen ils 27 d'avrel 2026 el Fegl ufficial Surselva ed els documents d'elecziun.
 

Glion, 10-04-2026