Votaziuns ed elecziuns

Las suandontas candidaturas ein vegnidas inoltradas (annunzias entochen ils 2 da settember 2025):

Parlament communal

- Arpagaus Stefan (1994), Ilanz, senza partida (niev)
- Bisquolm Rafael (1982), Sevgein, senza partida (niev)
- Bürkli Tim (1995), Ilanz, PLD (niev)
- Camenisch Remo (1975), Ilanz, AdC (niev)
- Hulliger Celine (2005), Ilanz, Verda (niev)
- Keller Roman (1970), Riein, Verda (niev)
- Kreiliger Jaromir (1991), Ilanz, senza partida (niev)
- Mittner Karl (1963), Sevgein, AdC (niev)
- Ryffel Michael (1972), Ruschein, AdC (niev)
- Schneider Daniel Tata (1991), Luven, senza partida (niev)
- Studt Severin (1984), Rueun, senza partida (niev)
- Theus Simoni Fabiana (1963), Ilanz, PLD (niev)

Igl ei era pusseivel d'eleger persunas ch'ein buca sin la gliesta da candidaturas.

Votaziun per correspondenza
Sin igl attest da votar ei la procedura dalla votaziun per correspondenza declarada. La cuviarta ei da returnar per posta (drova negina francatura supplementara) ni da fierer ella scaffa da brevs dalla vischnaunca dad Ilanz/Glion en casa cumin a Glion e quei entochen dumengia, ils 28 da settember 2025 allas 11.00. La scaffa da brevs dall'administraziun communala dad Ilanz/Glion vegn svidada la davosa gada dumengia, ils 28 da settember 2025 dallas 11.00. 

Nus fagein attents Vus ch’igl attest da votar sto esser suttascrets en cass d’ina votaziun per correspondenza. Schiglioc ei la votaziun nunvaleivla. 

Persunas cun dretg da votar che possedan aunc buc il material da votar, san s'annunziar duront las uras da spurtegl tier la controlla da habitonts a Glion ni il pli tard la dumengia da votaziuns entochen las 11.00 en casa cumin a Glion per retscheiver ils cedels da votar. Tenor artechel 11 al. 1 dall'ordinaziun davart ils dretgs politics el cantun Grischun (ODP; DG 150.200) ston persunas cun dretg da votar far valer ch'ellas hagien buca survegniu ni ch'ellas hagien piars ils cedels da votar. 

Gratuit per posta: La votaziun per correspondenza sin via postala ei gratuita per las votantas ed ils votants cun domicil en Svizra. Aschia basegna ei negina francatura sin la cuviarta da votaziun. 

Temps d’avertura dallas urnas:

Controlla da habitonts, casa cumin a Glion
Gievgia, ils 25 da settember 2025                                                              08.30 – 11.00
Vendergis, ils 26 da settember 2025                                                         08.30 – 11.00 / 14.00 – 16.00

Dumengia, ils 28 da settember 2025
Glion                                         casa cumin (all'entrada)                  09.15 – 09.45

Riein/Sevgein/Castrisch
Riein                                          casa communala                              08.30 – 09.00
Sevgein                                     casa communala                              09.15 – 09.45
Castrisch                                   casa da scola                                    10.00 – 10.30

Pitasch/Duvin/Luven
Pitasch                                      casa da scola                                     08.00 – 08.30
Duvin                                        casa da scola                                     09.00 – 09.30
Luven                                        avon Pistrin                                       10.00 – 10.30

Ladir/Ruschein/Schnaus
Ladir                                          avon tschaler da schurmetg civil   08.30 – 09.00
Ruschein                                   casa communala                              09.15 – 09.45
Schnaus                                    casa communala                              10.00 – 10.30

Pigniu/Siat/Rueun
Pigniu                                        casa communala                              08.15 – 08.45
Siat                                            casa Sentupada                                09.15 – 09.45
Rueun                                       casa communala                              10.00 – 10.30