Pigniu

Sur Rueun ella Val da Pigniu sesanfla il vitget da Pigniu – el fascinescha oravontut la stad viandonts ed alpinists che partan en direcziun dil lag artificial magnific sper l'Alp da Pigniu. Naven da leu meina ina via impressiunonta vinavon sur il Pass dil Veptga tochen ad Elm el Sernftal el cantun da Glaruna. Quella via ed il pass ein renomai dapi ch'il general Suworow ha menau sia armada sur il pass per untgir ils Franzos. In'ulteriura via populara che meina tras Pigniu ei la Senda Sursilvana. Ella entscheiva sin igl Alpsu e cuntinuescha per liung dil Rein giuven via Pigniu tochen a Cuera. Pigniu ei circa 11 kilometers naven da Glion, il center dalla vischnaunca. Biaras aclas ed alpiculturas caracteriseschan Pigniu. Muntognas, uaul e caglias domineschan la surfatscha dil vitg. Ins ei semper ella vischinonza dalla natira.

Uoppen Pigniu tochen 31-12-2013