Economia

Il center economic dalla vischnaunca denton era dall'entira regiun, ei il marcau da Glion sco liug da cumpra e fiera, center regiunal d'administraziun, sedia dil spital regiunal ed ulteriurs survetschs per il provediment da sanadad sco era instituziuns da formaziun. Medemamein han numerusas fatschentas da survetsch, commerci e mistregn lur sedia a Glion. En tut dat ei el marcau da Glion entuorn 300 loghens da lavur e mintga gi penduleschan varga 1'400 luvrerAs a Glion alla lavur.

Els vitgs fuorma l'agricultura ina petga ferma dalla veta economica e producescha ina paletta multifara da products da gronda qualitad. Ina part da tala ei l'economia d'alp tradiziunala. Buca meins che 20 alps communalas sesanflan sigl intschess dalla vischnaunca Ilanz/Glion. Ultra da quei procuran menaschis mistergnauns, ustrias e novas fatschentas pintgas da survetschs ch'ei vegn buca mo durmiu els vitgs.