Concurrenza da projects svilup areal dalla staziun a Glion

Ensemen cun la vischnaunca Ilanz/Glion ha la Viafier retica (VR) menau atras ina concurrenza da projects per la formaziun futura digl areal dalla staziun da Glion. Ils teams d'architectura envidai havevan l'incumbensa da projectar ina surbaghegiada urbanistica dalla staziun che secunvegn cun il maletg dil liug, risguarda l'utilisaziun, il traffic e la funcziunalitad a moda perschuadenta e persistenta e cumpeglia la formaziun digl entir spazi public vischinont. La projectaziun dalla staziun d'auto da posta duei rinforzar la funcziun impurtonta sco center dil traffic public. Ulteriuramein valeva ei da formar in niev plaz public e da pedunzs. Dallas sis contribuziuns alla concurrenza ha il project «Binari 1» da Giubbini Architekten da Cuera gudignau unanimamein.