In label sco segn da qualitad

Il label «marcau d'energia» ei ina distincziun digl Uffeci federal d'energia e dall'uniun purtadra dil «label marcau d'energia». El vegn attribuius allas vischnauncas che han realisau ni decidiu mesiras specificas en connex cun la politica d'energia. Il label ei in mussament da prestaziun per ina politica d'energia consequenta ed orientada al resultat.

Maletg empalont d'energia dalla vischnaunca dad Ilanz/Glion

La suprastonza communala ha deliberau il schaner 2019 il maletg empalont d'energia. Quel cuntegn las finamiras a vesta mesauna ed a liunga vesta sco era las direcziuns dalla politica d'energia dalla vischnaunca.


Dapli qualitad da viver

Ils marcaus d'energia sestentan da duvrar las resursas a moda efficienta e promovan energias regenerablas sco era ina mobilitad ecologica. In marcau d'energia cumprova exemplaricamein ch'igl ei pusseivel d'augmentar la qualitad da viver e da proteger il clima cun agir a moda responsabla.

Ils commembers dall'uniun purtadra han avantatgs concrets: il program federal Svizra Energia per las vischnauncas metta a disposiziun differents survetschs, per part schizun gratuitamein. Denter auter fan ins per exempel ina bilanza dalla situaziun actuala: cussegliadras e cussegliaders d'energia examineschan ensemen cun ils responsabels dalla vischnaunca a maun d'in catalog da mesiras sis secturs impurtonts dalla politica d'energia communala:

  • planisaziun dil svilup e planificaziun territoriala
  • baghetgs ed implonts communals
  • provediment ed allontanament
  • mobilitad
  • organisaziun interna
  • cooperaziun e communicaziun

Cumissiun dil marcau d'energia Glion

Cun la finamira da promover il secuntener gest dalla populaziun, dall'industria e dil commerci, dallas autoritads, administraziuns e scolas arisguard l'ecologia e l'energia, nominescha la suprastonza communala ina cumissiun d'energia.

  • Hanspeter Bundi, Castrisch, president dalla cumissiun
  • Katharina Belser, Glion
  • Emil Efinger, Siat
  • Flavio Elvedi, Glion
  • Gudrun Ziermann, Ruschein