Adrenalin a Fontanivas – mirar, separticipar, celebrar
Sonda, ils 19 da settember 2026, Velosolutions Pumptrack, Glion
Pumptrack Festival ils 19 e 20 da settember 2026 a Glion. Questa fin d'jamna daventa il pumptrack a Glion il liug da sentupada dalla scena naziunala ed internaziunala dil sport da rodas. Gest treis highlights procuran per tensiun, sport e divertiment per participonts ed aspectaturs da mintga vegliadetgna.
L'entschatta fa la sonda il Velosolutions UCI Pump Track World Championships Switzerland Qualifier. Las meglieras atletas ed ils megliers atlets dalla categoria elita (naven da 17 onns) cumbattan per la qualificaziun per il final mundial a Peking (China) e semesiran cun concurrenza naziunala ed internaziunala sil pli ault nivel. Il medem mument vegnan ils campiunadis svizzers da pumptrack 2026 menai atras. Sper las cuorsas d'elita vegnan ils tetels naziunals era surdai ellas categorias Kids, Youth e Masters 35+. Cheutras porscha l'occurrenza la pusseivladad a talents giuvens, a participontas e participonts da hobi sco era ad atletas ed atlets cun experientscha da semesirar sil medem indrez cun ils megliers dil mund.
La dumengia s'auda il pumptrack a tuts: La PumpKing Challenge envida bikes, BMX, scooters, skateboards, inlineskates e velos per affons pigns sil percuors. Separticipar san tuts – naven dil rookie entochen il profi. Luvratoris, sessiuns da freestyle, musica ed in program accumpignont plein colurs fan ch'il gi daventa in eveniment per l'entira famiglia.
Seigi sport da classa mundiala, campiunadis svizzers ni eveniment da participaziun: Glion porscha questa fin d'jamna acziun da pumptrack per elita, kids, masters e tut tgi che careza il sport da rodas.
Ulteriuras informaziuns ed annunzias per las occurrenzas:
Velosolutions UCI Pump Track World Championships Switzerland Qualifier
https://pumptrackworldchampionships.com/races/switzerland-quallifier/
Campiunadi svizzer da pumptrack 2026, Swiss Cycling
https://www.swiss-cycling.ch/de/veranstaltungen/kalender/?race=9472
PumpKing Challenge Glion
https://www.pumpkingchallenge.ch/event/pumpking-challenge-ilanz-2026/
