Turnier da petanque ed inauguraziun dil baun «Wie geht es dir? / Co vai cun tei?»

Sper la plazza da giugs Paradieswäldli a Glion ei in iral da boccia ed ina crusch da ballontscha vegni construi. Dapi cuort cumpletescha in baun da lenn igl areal. Ils bauns mellens dalla campagna naziunala «Wie geht es dir / Co vai cun tei?» ein in segn per la sanadad psichica el spazi public. 

Boccia – era enconuschent sco Petanque – ei in giug da trer la balla popular cun ragischs mediterranas. La finamira ei da plazzar las atgnas cuclas aschi datier d'ina cucla pintga sco pusseivel. Cheutier drova ei inschign, tactica ed in maun ruasseivel. Il giug ei sempels d'emprender, fa plascher ed ei adattaus per mintga vegliadetgna. 

Margis, ils 6 d'october 2026 dallas 17.30 vegn il secund turnier da petanque organisaus cull'inauguraziun dil baun «Co vai cun tei?» a Glion. Cun ni senza experientscha, neu e dai cun nus! Ei dat in pign premi per ils emprems sis. Per enzatgei da piclar e da beiber senz'alcohol vegn procurau. Ti astgas era bugen prender cun tei enzatgei per parter. 

S'annunzia bugen tier Tara Meier sut tara.meier@ilanz-glion.ch. Ins astga denton era bugen vegnir spontan sperasvi. 

Il turnier ha liug mo da bial’aura. Sch'ei vess da plover stuein nus stuschar l’occurrenza.