Menader/-ra planisaziun e construcziun (80 - 100 %)

Sco menader/-ra planisaziun e construcziun surprendis Vus ina posiziun da clav cun influenza palpabla: Vus marcheis co nossa vischnaunca sesviluppescha constructivamein e spazialmein ed essas leutier persuna da contact centrala denter politica, administraziun e populaziun.

Vossas incumbensas

• direcziun operativa dalla partiziun planisaziun e construcziun cun ils posts da survetsch planisaziun, construcziun bassa, uffeci da baghegiar ed immobilias
• responsabladad per tematicas davart la planisaziun dil territori e d'areals sco era projects da planisaziun currents e futurs
• cussegliaziun e susteniment en damondas relevontas dils fatgs da baghegiar
• collaboraziun tier projects strategics sco era collaboraziun cun auters secturs d'administraziun e partenaris externs

Vies profil

• studi terminau sco inschignier/-a da construcziun, architect/-a (SAS/SPF) ni planisader/-ra dil territori respectivamein ina scolaziun da tecnica da construcziun cumparegliabla sin scalem terziar (p.ex. sco tecnicist/-a dipl. SSS)
• enconuschientschas dil dretg public e dil dretg da baghegiar ni la promtadad da seperfecziunar
• experientscha da menar sco era cumpetenza sociala, da communicaziun e d'organisaziun
• inschign da contrahar, habilitad d'agir ed in senn da collaborar cun differentas gruppas d'interess
• patertgar strategic cumbinau cun ina moda da luvrar pragmatica orientada a sligiaziuns
• tudestg e bunas enconuschientschas dil romontsch a bucca ed en scret

Nossa purschida

• pensums directivs, dil fatg e da project multifars e pretensius cun gronda atgna responsabladad
• la pusseivladad da formar e sviluppar vinavon activamein organisaziun e process
• temps da lavur flexibels en in clima da lavur collegial
• mieds da lavur moderns, sustegn tier Vies ulteriur svilup professiunal e persunal sco era cundiziuns d'engaschament conform al temps tenor la legislaziun communala e cantunala