Vischnaunca Ilanz/Glion – Concretisaziun/adattaziun dalla zona da planisaziun dils 18 da november 2025

Actualmein vala ad Ilanz/Glion pigl entir territori communal ina zona da planisaziun cun la suandonta finamira da planisaziun: «Examinaziun d'ina reducziun dallas zonas da baghegiar (zonas da habitar, mischedadas e da center; WMZ) tenor las prescripziuns egl art. 15 al. 1 e 2 LPT sco era el plan directiv cantunal (KRIP-S) dils 20 da mars 2018.»

A caschun dalla sesida dils 12 da matg 2026 ha la suprastonza communala decidiu da concretisar quei cuntegn dalla zona da planisaziun che vala entochen ils 12 da fevrer 2028 (a) pertuccont la redimensiun dalla zona da baghegiar e quei tenor il sboz dalla secunda exposiziun publica dalla procedura da participaziun sco era (b) d'extender quella el medem mument sin ils ulteriurs cuntegns dalla revisiun tenor la secunda exposiziun publica dalla procedura da participaziun. La finamira dalla zona da planisaziun senumna pia da niev: Revisiun parziala dalla planisaziun locala tenor la secunda exposiziun publica dalla procedura da participaziun (30-03-26 – 29-04-26). 
Quella nova zona da planisaziun vala vinavon entochen ils 12 da fevrer 2028.

Ella zona da planisaziun astga buca vegnir fatg enzatgei che savess engrevgiar la nova planisaziun ni impedir quella planisaziun. En special astgan projects da baghegiar mo vegnir lubi, sch'els cunterfan buc allas planisaziuns e prescripziuns vertentas sco era allas novas reglas ch'ein previdas (art. 21 al. 2 LPTGR). Encunter la concretisaziun e l'extensiun dalla zona da planisaziun sa ei vegnir fatg protesta tier la Regenza cun in recuors da planisaziun enteifer 30 gis dapi la communicaziun publica (art. 101 LPTGR).
 

Glion, 22-05-2026