Sevgein

Pittoresc para Sevgein che schai sin ina terrassa spundiva el sidost da Glion e porscha ina vesta lunsch sur la val. Il Glogn fuorma il cunfin communal el vest. Tier la fracziun s'audan ils uclauns Curschetta, Isla ed il habitadi spatitschaus Darpinaus. Il punct il pli ault da Sevgein ei sin 1'540 m. s. m. Sevgein ha pliras uniuns fetg activas: il chor mischedau, l'uniun da tir, l'uniun da giuventetgna, l'uniun da dunnas e la gruppa da corns Péz Fess. La caplutta da pelegrinadi Sontga Fossa e la baselgia parochiala catolica da S. Tumasch ein interessants beins culturals. A Sevgein vegn principalmein discurriu romontsch sursilvan.

Uoppen Sevgein tochen 31-12-2013