L'uniun da commerci e mistregn Glion e contuorn (HGVI) exista dapi igl onn 1984 ed ha rodund 155 commembers. L'uniun ha manteniu siu num malgrad che dudisch fracziuns dil contuorn han fusiunau per igl 1. da schaner 2014 cul marcau da Glion. Sias incumbensas e finamiras ein denter auter la promoziun dils interess professiunals da ses commembers, il sustegn d'in svilup economic sanadeivel dalla regiun e la promoziun dalla solidaritad denter las IPM.
Igl HGVI ha astgau cooperar ad occurrenzas che han per part aunc oz liug. Entgins puncts culminonts ein la fiera d'advent, l'exposiziun «Primavera», la carta da schenghetgs (Ilanzer Geschenkkarte), la rolla d'inizianta dil svilup dil center e bia dapli.
La suprastonza secumpona da Franca Strasser (presidenta) e Roman Derungs (vicepresident), Gabriel Derungs (secretari / cassier), Remo Wellinger, Bian Marco Bianchi e Fabienne Dick. Cun bia slontsch e plascher prendan el(la)s enta maun las incumbensas multifaras e selegran da commembers engaschai, bialas sentupadas e dalla solidaritad vivida duont quei temps pretensius.
