Provediment dalla sanadad

SanaSurselva

La SanaSurselva ei ina corporaziun da vischnauncas da dretg public ed ei responsabla per garantir in provediment da sanadad ella Surselva che corrispunda als basegns e ch'ei economicamein optimala. La corporaziun da vischnauncas promova la colligiaziun e la collaboraziun en tut ils secturs dil provediment da sanadad.

Tut las vischnauncas politicas dalla Surselva ein commembras dalla corporaziun da vischnauncas.

Contact
SanaSurselva
Spitalstrasse 4
7130 Glion

telefon 081 925 43 26
info@sanasurselva.ch
www.sanasurselva.ch


Spital regiunal Surselva

La Spital regiunal Surselva SA garantescha il provediment extendiu da basa e da cass d'urgenza per 22'000 habitonts e stagiunal rodund 20'000 hosps da vacanzas dalla regiun turistca dalla Surselva. Cun in'infrastructura moderna tgiran ils 270 collaboraturs annualmein 2'500 pazients staziunars e 13'000 pazients ambulants ellas clinicas da chirurgia ed ortopedia/traumatologia cun neurochirurgia ed urologia, medischina interna cun cardiologia, oncologia e pneumologia, ginecologia ed agid da parturir, pediatria ed anestesia.

La Spital regiunal Surselva SA ei vegnida undrada cul label "Swiss Olympic Medical Base approved by Swiss Olympic". Grazia alla cooperaziun cun il spital da center a Cuera sa in spectrum da prestaziun extendiu vegnir purschius.

Contact
Spital regiunal Surselva
Spitalstrasse 6
7130 Glion

telefon 081 926 51 11
info@spitalilanz.ch
www.spitalilanz.ch


Spitex Foppa

La finamira ed igl intent dalla Spitex ei da possibilitar alla glieud da tuttas vegliadetgnas che drova tgira, accumpignament ni agid da saver habitar a casa. Denton era da promover, schurmegiar ni reconstruir lur independenza.

Ella ademplescha l'incumbensa da prestaziun tenor la lescha dil cantun Grischun, vegn renconuschida dallas cassas da malsauns ed agescha tenor incumbensa dallas suandontas vischnauncas: Ilanz/Glion, Lumnezia, Sursaissa Mundaun, Stussavgia, Val e Breil/Brigels (Vuorz/Andiast).

Contact
Spitex Foppa
Spitalstrasse 7
7130 Glion

telefon 081 926 50 90
sekretariat@spitexfoppa.ch
www.spitexfoppa.ch


Casa da vegls e da tgira Glion

En 78 combras singulas ed 8 combras dublas vegn purschiu plaz a 94 persunas attempadas e che drovan tgira. Ultra da quei dispona il menaschi da treis bialas habitaziuns per attempai sco era pliras habitaziuns d'affittaziun en differentas grondezias. L'entira casa ed il cundrez da curtgin generus ein baghegiai tenor ils basegns da persunas cun impediments e sutgas da rodas. Sco patrun per ca. 125 persunas e sco cumprader da beins da consum ei il menaschi d'impurtonza economa e publica per la regiun. Cun metter a disposiziun plazzas d'emprendissadi e da scolaziun a persunas giuvnas ademplescha la casa ina funcziun impurtonta. La gestiun innovativa garantescha in svilup actual da tuttas purschidas, las qualas s'orienteschan era a basegns e pretensiuns dil futur.

En tut ils secturs dalla casa (tgira, tenercasa, cuschina, survetsch tecnic, administraziun eav.) vegn cuntinuadamein modernisau e fatg adattaziuns per saver porscher ed augmentar la qualitad dils survetschs purschi a moda constanta. Il beinesser e la segirtad dallas habitontas e dils habitonts ei la gronda finamira da tuttas stentas ed intenziuns.

Contact
Casa da vegls e da tgira Glion
Asylweg 7
Caum postal 108
7130 Glion

telefon 081 926 13 00
info@apheim-ilanz.ch
www.apheim-ilanz.ch


Informaziuns per persunas che gidan e tgiran lur confamigliars el Grischun

Sin la plattafuorma dil cantun Grischun anflan persunas che gidan e tgiran lur confamigliars sco era patrunas e patruns pertuccai el Grischun informaziuns nizeivlas, tips e contacts. Questa plattafuorma porscha negina cussegliaziun persunala ed ei negin post da consultaziun, ella survescha sco pagina da survesta per persunas pertuccadas ed interessadas el cantun.

Questa plattafuorma d'informaziun ei vegnida elaborada digl Uffeci da sanadad dil Grischun per incumbensa dil Departament da giustia, segirtad e sanadad.

Contact
Uffeci da sanadad dil Grischun
Planaterrastrasse 16
7001 Cuera

telefon 081 257 26 44
info@san.gr.ch
www.gesundheitsamt.gr.ch