Survetsch divin brasilian ella baselgia claustrala da Glion

Survetsch divin brasilian, dumengia, ils 6 da settember 2026 dallas 10.00 entochen las 13.00 ella Claustra, Glion

Cun gronda engrazieivladad mirein nus uonn sil sustegn multifar che nos projects brasilians han retschiert entras Vus ed aunc biars auters carstgauns beinvulents. Lur attaschadadad allas soras dominicanas da Glion contribuescha che speronza daventa concreta en nos projects socials. Bugen lein nus festivar quella attaschadadad cun Vus ed envidein Vus cordialmein ad in mument special en claustra da Glion. Dumengia, ils 6 da settember 2026 stattan nos projects egl exteriur el center d'in survetsch divin da tempra brasiliana. Communablamein lein nus engraziar per quei ch'ei carschiu cun Vies engaschi e prender en egl ils carstgauns, dallas qualas la veta vegn tangada entras la lavur da nossas soras.

In schenghetg special ei ch'ina sora dalla Brasilia ei cun nus quei di. Ella vegn a raquintar ord emprem maun tgei historias da speronza e curascha ch'ella experimentescha e con fetg che la glieud el liug sesenta colligiada cun Vus. Quella caschun ei nossa expressiun d'engraziament e stema enviers Vus. Senza Vossa confidonza, Vies interess e Vies fideivel accumpignament fuss bia buca daventau pusseivel. Igl ei in giavisch da nus da mussar a Vus con fetg che Vies engaschi fa effect – e da regalar a Vus el medem mument spazi per sentupada, damondas e brat. 

Nus havessen grond plascher d'astgar beneventar Vus questa dumengia speciala en claustra a Glion. 

Ulteriuras informaziuns anfleis Vus cheu.