Ei legra nus zun fetg che nus savein porscher naven dad immediat in niev survetsch, numnadamein la distribuziun da quens sin via electronica via eBill ni per e-mail sco PDF. La distribuziun da quens sin via electronica remplazza ils quens sin pupi che vegnan tarmess per posta. Nus essan perschuadi che quei pass aulza Vossa sco era nossa efficienza e meina en in futur digital che possibilitescha da spargnar resursas ed energia. 

Sche Vus giavischeis el futur ils quens a moda electronica per eBill saveis Vus registrar persuenter en Vies portal dad e-banking. 

Sche Vus giavischeis da survegnir ils quens per e-mail saveis Vus emplenir ora il formular sut il suandont link https://gemeindeilanz.abacuscity.ch/de/ebillreg. Suenter che Vus haveis empleniu ora il formular retschevis Vus aunc in e-mail nua che Vus stueis confirmar Vossa adressa da e-mail. 

En cass che Vus vuleis vinavon survegnir ils quens sin pupi stueis far nuot. 

Nus sperein da saver survir a Vus cun quei niev survetsch.