La vischnaunca promova la producziun culturala tenor criteris che pertuccan la qualitad. Projects culturals ston ademplir a moda perschuadenta silmeins treis dils puncts suandonts.

Resonanza: Il project persistent e concepiu per in public en mira interessau dat impuls ed ei francaus regiunalmein.

Potenzial/innovaziun: Il project muossa novs puncts da vesta, cumpeglia cooperaziuns ni ei interdisciplinars. Il project anfla novas vias ni in access modern ad enzatgei vegl.

Relevanza: Il project tematisescha damondas socialas actualas ni creescha ina plivalur culturala.

Qualitad dalla realisaziun: Il project vegn realisaus a moda cumpetenta, quei en special cun sebasar sin l'experientscha, la pratica ni la formaziun corrispundenta.

Consistenza: Il project perschuada cun sia autenticitad e structura e cun igl engaschi impundiu.