Via Glion

Naschida il 2020 sco fil tgietschen el maletg empalont dil territori communal (MTC), per cumbinar veseivlamein las fracziuns cun in element colligiont, eis ei spert semussau che pli bia savess seresultar ordlunder. Gia oz sesanflan numerusas perlas culturalas e dalla cuntrada per liung da quei fil tgietschen, aschia che l'idea d'ina senda liunga da viagiar ei naschida cun ils suandonts potenzials:

  • purschida turistica autonoma per Ilanz/Glion enteifer la destinaziun Surselva
  • rinforzament dil turissem da stad ella natira
  • project per il rinforzament dall'identitad dalla vischnaunca dad Ilanz/Glion
  • vitalisaziun e valurisaziun dallas fracziuns
  • valurisaziun locala ellas fracziuns
  • cudez da realisar purschidas agroturisticas ellas fracziuns
  • pusseivladads da reutilisaziun dallas immobilias communalas ellas fracziuns
  • augment dallas frequenzas dil traffic public muort la contonschibladad da tut las fracziuns en fuorma da steila naven da Glion
  • realisaziun/rinforzament da puncts d'attracziun (POI's)

Atras la senda da viandar «Via Glion» vegn scaffiu ina purschida els secturs cultura, natira, sport, culinarica ed agriturissem. Entochen uss ha la «Via Glion» 7 etappas che meinan entuorn ed a Glion. La finamira ei da contonscher ina senda dad etappas atras tut las fracziuns en la vischnaunca da Ilanz/Glion.

Ulteiruras informaziuns cheu.