Uniuns che porschan regularmein activitads a lur commembras e commembers ed activitads ch'ein publicamein accessiblas san dumandar ina contribuziun da basa annuala da CHF 300.
Per survegnir ina contribuziun da basa per igl onn da gestiun sequent ein las suandontas mesiras necessarias:
- inoltrar ina damonda en scret tochen ils 30 da november;
- cumpilar ina survesta dallas activitads dall'uniun planisadas (program annual);
- redeger in cuort rapport / ina cuorta retrospectiva dallas activitads che han giu liug igl onn da gestiun vargau (p. ex. emprovas, occurrenzas d'uniun, viadi d'uniun, seras d'uniun, activitads da bonus, eav.);
- aschuntar all'emprema damonda da sustegn ils statuts dall'uniun ed indicar in conto da pagament.
Cun contribuziuns da bonus san las uniuns generar ulteriurs daners. Las contribuziuns da bonus muntan a:
- CHF 200 per realisar in'occurrenza publica sco p.ex. in concert annual, ina disco, in turnier da giug, in'occurrenza per senioras e seniors, in referat, ina scolaziun supplementara ni in cuors, orientaziuns publicas davart projects da votaziun, schinavon che quellas vegnan publicadas ufficialmein;
- CHF 250 per includer activamein affons e giuvenils ellas activitads ed occurrenzas;
- CHF 200 per cooperaziuns culturalas cun uniuns e producentas e producents da cultura d'autras fracziuns ni d'autras vischnauncas;
- CHF 200 per organisar la fiasta digl 1. d'uost en ina fracziun;
- CHF 100 per organisar il fiug digl 1. d'uost a caschun d'ina fiasta digl 1. d'uost;
- CHF 200 per far Sontgaclau.
Las contribuziuns da bonus san ins annunziar gia ensemen cun la contribuziun da basa. Ellas vegnan scuntradas definitivamein sin fundament dil rapport resp. dalla restrospectiva inoltrada e pagadas dil post da coordinaziun per la cultura.
