• La persuna petenta ei domiciliada en vischnaunca resp. il project ei relevants per la vischnaunca.
   
• Il project vegn inoltraus avon l'entschatta da tal.
   
• Il project ei accessibels publicamein ed envida biara glieud da participar, en special era affons e giuvenils.
   
• La vischnaunca finanziescha ni sustegn projects adina mo parzialmein ni subsidiarmein ensemen aunc auters donaturs (Promoziun dalla cultura dil cantun Grischun, fundaziuns, fauturas e fauturs, sponsurs, tiarzs, eav.).
   
• Ils purtaders da project san contribuir alla finanziaziun cun atgnas prestaziuns ton sin la vart dils cuosts sco era sin la vart dallas entradas. Ellas vegnan indicadas e scuntradas a moda pauschala.
   
• Il preventiv ei realistics ed il plan da finanziaziun verdeivels.
   
• La realisabladad e l'organisaziun dil project ein plausiblas.
   
• Treis meins suenter la fin dil project ston il rapport ed il quen final vegnir inoltrai. Cheu las pretensiuns per il rapport final.
   

Projects cun finamira en emprema lingia commerciala ni projects buc accessibels publicamein vegnan buca susteni.